(धरणगाव प्रतिनिधी) धरणगाव : येथील गुड शेपर्ड इंग्लिश मिडीयम स्कुलमध्ये राष्ट्रपिता महात्मा गांधी व पूर्व प्रधानमंत्री लाल बहादूर शास्त्री यांच्या जयंतीनिमित्त कार्यक्रम घेण्यात आला.सर्वप्रथम गांधीजी व शस्त्रीजींच्या प्रतिमेला प्राचार्या चैताली रावतोळे, मुख्याध्यापिका नाजनिन शेख व व्यवस्थापक जगन गावित यांच्या हस्ते माल्यार्पण व पुष्पांजली अर्पण करण्यात आली. इयत्ता ६ वी ची विद्यार्थिनी नक्षत्रा पाटील हिने गांधीजींना एका गीतातून अभिवादन केले. शिक्षिका शिरीन खाटीक यांनी महात्मा गांधी व लाल बहादूर शास्त्री यांच्या जीवनातील निवडक प्रसंग सांगून त्यांच्या कार्याची महती वर्णन केली. या महान नेत्यांच्या जीवनातील आदर्श घेऊन आपण मार्गक्रमण केले पाहिजे हिच त्यांना खरी आदरांजली ठरेल असे प्रतिपादन खाटीक यांनी केले.कार्यक्रमाला जेष्ठ शिक्षिका भारती तिवारी, अनुराधा भावे, रमिला गावित, स्वाती भावे, हर्षाली पुरभे, पूनम कासार, ग्रीष्मा पाटील, नाजुका भदाणे, गायत्री सोनवणे, सपना पाटील, सुनिता भालेराव, पुष्पलता भदाणे, लक्ष्मण पाटील हे शिक्षकवर्ग तसेच शितल सोनवणे, इंद्रसिंग पावरा, अमोल पवार हे शिक्षकेतर कर्मचारी, विद्यार्थी - विद्यार्थिनी मोठ्या संख्येने उपस्थित होते. कार्यक्रमाचे सुत्रसंचालन व आभार प्रदर्शन शिरीन खाटीक यांनी केले.
Post a Comment