चमोली (उत्तराखंड) : उत्तराखंडमध्ये विजेचा शॉक लागून आतापर्यंत 15 जणांचा मृत्यू झाल्याची दुर्दैवी घटना घडली आहे.चमोली जिल्ह्यातील नमामि गंगे प्रकल्पाच्या ठिकाणी घडलेल्या या अपघातात 20 हून अधिक लोक जखमी झाले होते. यापैकी दोघांची प्रकृती गंभीर असून त्यांना उपचारासाठी श्रीनगरला पाठवण्यात आले आहे.
यासंदर्भातील माहितीनुसार मंगळवारी रात्री उशिरा सीवर प्लांटच्या चौकीदाराचाही विजेच्या धक्क्याने मृत्यू झाल्याचे सांगण्यात येत आहे. मृताचा वैयक्तिक पंचनामा करण्यासाठी पोलीस आणि स्थानिक लोकांसह सीवर प्लांटजवळ पोहोचले असता, अचानक प्लांटमध्ये पुन्हा करंट गेला, त्यामुळे हा अपघात झाला. चमोलीच्या घटनेवर शोक व्यक्त करत मुख्यमंत्री पुष्कर सिंह धामी यांनी न्यायालयीन चौकशीचे आदेश दिले आहेत.एसपी चमोली परमेंद्र डोवाल यांनी सांगितले की, चमोली जिल्ह्यातील अलकनंदा नदीच्या काठावर ट्रान्सफॉर्मरचा स्फोट झाल्याने अनेक लोकांचा मृत्यू झाला आणि अनेक जण गंभीर जखमी झाले.जखमींना जिल्हा रुग्णालयात दाखल करण्यात आले आहे. तर उत्तराखंडचे अतिरिक्त पोलीस महासंचालक व्ही मुरुगेसन यांनी सांगितले की, पोलीस उपनिरीक्षक आणि 5 होमगार्डसह सुमारे 15 जणांचा मृत्यू झाला आहे. या प्रकरणाचा तपास सुरु आहे. प्रथमदर्शनी असे समोर आले आहे की, रेलिंगवर विद्युतप्रवाह पसरल्याने तेथे उपस्थित असलेल्यांना फटका बसला आहे. दुसरीकडे या अपघातामुळे संतप्त नागरिक ऊर्जा महामंडळावर निष्काळजीपणाचा आरोप करत आहेत. महामंडळावर कारवाई करण्याची मागणी होत आहे.येथे अपघाताची माहिती मिळताच प्रकल्पाचे काम थांबवण्यात आले असून बचाव आणि मदतकार्यासाठी पथके घटनास्थळी दाखल झाली आहेत.
Post a Comment