धरणगाव शहर परीसरात अवकाळी पाऊस व वादळी वाऱ्यामुळे शेतकऱ्यांचे आतोनात नुकसान
धरणगाव : शहरातील व ग्रामीण भागातील होळीच्या सणाच्यादिवशी अवकाळी व वादळी वाऱ्यासह पावसाचे आगमन झाले. यामध्ये शेतकऱ्यांचे गहू, मका, व अन्य पिकासह शेतकऱ्यांचे अतोनात नुकसान झालेले आहे.
धरणगाव, बाभळे, गारखेडा, आनोरा, धानोरे, गंगापुरी, पष्टाने, वंजारी, खपाट, पथराड, बोरखेडा, विवरे, भवरखेडे, हिंगोणे, कल्याणेहोळ, पिंप्री तसेच सर्वच तालुक्याला या अवकाळी पाऊस व वादळाचा फटका शेतकऱ्यांना बसला आहे. आधीच शेतकऱ्याचा मालाला भाव कमी असल्याने शेतकरी राजा कमालीचा नाराज आहे. शेतकरी राजा हा दिवस - रात्र मेहनत करून आपल्या पिकाचे संगोपन करीत असतो. रात्री - अपरात्री पाणी भरतो. थंडीच्या दिवसात आपल्या जीवाची परवा न करता त्या पिकाला लेकरासारखं वाढवतो. ज्वारी, मका, कापसाचे दुःख सावरत नाही तोवर आजच्या अवकाळी पाऊस व वादळी वारामुळे शेतकरी राजा हवालदिल झाला आहे. शेतकऱ्यांचा तोंडाशी आलेला घास निसर्गाने हिरावून नेला आहे. यासाठी राज्याचे पाणीपुरवठा तथा स्वच्छता मंत्री तसेच जिल्ह्याचे पालकमंत्री ना. गुलाबराव पाटील यांनी तात्काळ तहसीलदारसो. यांना पंचनामा करण्याचे आदेश तात्काळ द्यावेत व शेतकऱ्यांचा पिकांची झालेली हानी भरून निघावी. नुसते पंचनामे करून फायदा होणार नाही तर शेतकऱ्यांना ठोस मदत मिळायला हवी यासाठी राष्ट्रीय किसान मोर्चाचे तालुकाध्यक्ष गोरखनाथ देशमुख यांनी मागणी केली आहे.
Post a Comment